Restorant Piceri ``Shardana``

Rreth nesh

Piceria dhe restoranti me emrin “Shardana” erdhën si një domosdoshmëri e zhvillimit të zonës në të cilën u vendosën.

Kërkesat e vazhdueshme të pacientëve të huaj që vizitonin “Gremi Clinic”, por edhe të banorëve të zonës përreth, sollën nevojën e krijimit të një oazi familjar, në të cilin të mund ofroheshin larmi pjatash, mbi të gjitha të gatuara me kujdesin dhe cilësinë e një gatimi në shtëpi.

Në kemi zgjedhur shefa të shkëlqyer, mjeshtra të talentuar në kuzhinë, të cilët janë në gjendje të servirin jo thjesht pjata të bukura, por të ruajnë vlerat dhe shijen e produkteve gjatë gatimit.

Ku qëndron e veçanta?

Krahasuar me çdo restorant tjetër në të cilin keni patur rastin të darkoni apo drekoni, ne jemi veçanërisht të fokusuar në detaje.

Çfarë do të thotë kjo?

Zgjedhim produktet më të freskëta, sjellim nga Italia ingredientët më cilësorë, mbajmë pranë vetes shefat më të mirë të kuzhinës dhe….veshim me dashuri çdo pjatë që servirim.

Përse Shardana?

Shardana njihen ndryshe si njerëzit e detit, një popull i lashtë thuajse misterioz. Ata kanë qenë gjithnjë në lundrim, atdheu i tyre ishte deti dhe Sardenja, toka ku u lindën.

Shardana frymëzoi edhe picën tonë. Ajo është e veçantë, deri diku misterioze dhe ashtu si njerëzit e lashtë, përdor një varietet antik të grurit, për një shije krejtësisht të dallueshme nga gjithçka tjetër që keni provuar deri më sot.

Pronotoni online

Plotësoni formën e mëposhtme për të bërë porosi online

Call Now Button